‘காந்தாரா – அத்தியாயம் 1’ திரைப்பட விமர்சனம்
Casting : RishabShetty, Rukmini Vasanth, Jayaram, Gulshan Devaiah
Directed By : Rishab Shetty
Music By : B Ajaneesh Loknath
Produced By : Hombale
Films – Vijay Kiragandur
🌿 காந்தாரா – அத்தியாயம் 1: மூலிகைகள், விலையுயர்ந்த வளங்கள் நிறைந்த வனப்பகுதி காந்தாரா. அதன் வளங்களை கைப்பற்ற, அருகிலுள்ள நாட்டின் அரசர் பல முயற்சிகள் செய்யிறார்களாலும் தோல்வியடைந்த பின்னரும், அவரது தலைமுறைகள் அதற்காக சதி செய்கிறார்கள்.
இதை எதிர்கொள்கிறார் காந்தாரா பழங்குடி கூட்டத்தின் வீரன் ரிஷப் ஷெட்டி. காட்டை விட்டு வெளியே வந்து, தங்கள் வளங்களை விற்க முயற்சி செய்வதோடு, சாதாரண மக்கள் மீது விதிக்கப்பட்ட தடைகளை அதிரடியாக உடைத்து, துறைமுகத்தை தன் கட்டுப்பாட்டில் கொண்டு வருகிறார். 💥
அவர்களை தடுக்க முடியாமல் தடுமாறும் அரசர் ஜெயராம், சமரசம் செய்து மரியாதையும் அளிக்கிறான். ஆனால் அதே சமயம், காந்தாராவை கைப்பற்றும் சதி திட்டியுள்ளார்.
அந்த சதி வெற்றி பெறுமா? ரிஷப் ஷெட்டி காந்தாராவையும் மக்களையும் காப்பாற்றினாரா?
இதுதான் ‘காந்தாரா’ திரைப்படத்தின் மையக்கரு!
நாயகனாக ரிஷப் ஷெட்டி, பழங்குடி கதாபாத்திரத்தில் முழுமையாக பொருந்தி கதையின் உயிராக ஒளிர்ந்துள்ளார்.“ஓ…ஓ…” சத்தத்தோடு சாமியாடும் காட்சிகளில், நடிப்பும், உடல் மொழியும், கண்களில் காட்டும் கோபமும் – எல்லாம் அசத்தலாக வெடித்து கதை உயிர் கொடுத்தது.
நாயகியாக நடித்திருக்கும் ருக்மணி வசந்த் அழகிலும், திறமையிலும் ஒளிருகிறார். ஆரம்பத்தில் அவர் மெல்லிய, அமைதியான குணம் கொண்டவராக தோன்றினாலும், கதை முன்னேறும்போது திடீரென விஸ்வரூபம் எடுத்து மிரட்டும் வலிமையான காட்சி காட்டுகிறார். அவருடைய உடல் மொழி, கண்களில் வெளிப்படும் தீவிரம் மற்றும் சத்தத்தில் காட்டும் ஆளுமை – அனைத்தும் சேர்ந்து காட்சியை பார்வையாளர்களை பிடிக்க வைக்கும் வகையில் மாஸ் அனுபவமாக்குகிறது.
அரசராக நடித்திருக்கும் ஜெயராம் மற்றும் அவரது மகனாக நடித்திருக்கும் குல்ஷன் தேவய்யா, கதாபாத்திரத்துக்கு 100% பொருத்தமான தேர்வுகள். ஜெயராம் அரசனாக வெளிப்படும் அதிகாரம், ஞானம், நடிப்பு ஆழம் அனைத்திலும் வலிமை காட்டுகிறார். குல்ஷன் தேவய்யா நடிப்பில் தனித்துவம் காட்டி வியப்பூட்டுகிறார். சில காட்சிகளில் தீவிரமான கோபம் – எல்லாவற்றிலும் அவர் முழுமையாக கதாபாத்திரத்தில் வாழ்ந்து, பார்வையாளர்களை கதையின் உள்நிலையுடன் இணைக்க வைக்கிறார்.
இசையமைப்பாளர் பி. அஜனீஸ் லோக்நாத், இந்த படத்திற்கு மிகப்பெரிய பலம் சேர்த்துள்ளார். அவரது இசைதான் படத்தின் உணர்ச்சிப் பெருக்காகும் – பாடல்கள் மனதில் உருக்கமான இடத்தை ஏற்படுத்துகின்றன, பின்னணி இசை காட்சிகளுக்கு அழகான உயிர் ஊட்டும் சக்தியுடன் அமைந்துள்ளது. குறிப்பாக, பின்னணி இசை கதை போக்கை காப்பாற்றி, காட்சியின் தீவிரத்தையும், உணர்ச்சியையும் இன்னும் வலுப்படுத்தி ரசிகர்களை திரும்ப திரும்ப திரையில் பார்க்க வைக்கிறது. பி.அஜனீஸ் லோக்நாத் இசையின் மாபெரும் கண்ணோட்டம் மற்றும் நுட்பமான தேர்வுகள் மூலம் படத்தின் ஒவ்வொரு காட்சியையும் சிறப்பாக உயிரோட்டமளித்துள்ளார்.
ஒளிப்பதிவாளர் அரவிந்த் கே. காஷ்யப் காட்சிகளை மிக அழகாக மற்றும் பிரமாண்டமாக படமாக்கியுள்ளார். ஏகப்பட்ட கிராபிக்ஸ் காட்சிகள் இருந்தாலும், அவை கதையின் ஒற்றுமையுடன் இணைக்கப்பட்டு, ஒவ்வொரு காட்சியும் நன்றாக வெளிப்பட்டுள்ளன. அவரது கேமரா வேலை, ஒளிப்படுத்தல், காட்சிக்கேற்ற ஆங்கிள் தேர்வுகள் ஆகியவை படத்திற்கு முழுமையான விசுவல் அனுபவத்தை கொடுத்துள்ளன.
சுரேஷ் எடிட்டிங் காட்சிகளை துரிதமாக, பக்குவமாக கொண்டு வந்து, படத்தை மாஸ் அனுபவமாக மாற்றியுள்ளார்!
நாயகனாக நடித்திருக்கும் ரிஷப் ஷெட்டி, எழுதி, இயக்கவும் செய்திருக்கிறார். இவர் தனது முன் படமான காந்தாரா–வில் இருந்த உணர்வுப்பூர்வமான கதையின் தனித்துவத்தை இப்போதும் புதிய முறையில் முயற்சி செய்துள்ளார். வனப்பகுதியை கைப்பற்ற முயற்சிக்கும் அரசர், அவரை எதிர்த்து போராடும் பழங்குடியின மக்கள், மற்றும் இவர்களுக்கு இடையில் நடக்கும் யுத்தத்தை ஆன்மீகத்தோடு இணைத்து, கிராபிக்ஸ் காட்சிகளால் பிரமாண்டமாக காட்சிப்படுத்த முயற்சித்துள்ளார்.
கிராபிக்ஸ் மற்றும் சண்டைக்காட்சிகள் படத்தை பார்வையாளர்களுக்கு கவர்ச்சியாக்கும் விதமாகவும், திரை அனுபவத்தை உயர்த்தும் விதமாகவும் அமைந்துள்ளன. வனப்பகுதி காட்சிகள், கிராபிக்ஸ் மற்றும் வியத்தகு ஸ்பெஷல் எஃபெக்ட்கள் படத்தை காட்சிப்பூர்வமாக பிரமாண்டமாக்கியுள்ளன.
மொத்தத்தில், ‘காந்தாரா – அத்தியாயம் 1’ தனித்துவமான முயற்சியுடன், விசுவல் அனுபவத்தை தரும் படமாக வெளிவந்துள்ளது.
ரேட்டிங் 3/5