தண்டேல்
இயக்குநர் – சந்து மொன்டட்டி
நடிகர்கள் – நாக சைதன்யா , சாய் பல்லவி , பிரகாஷ் பெலவாடி
இசை – சாம் சி எஸ்
தயாரிப்பு – கீதா ஆர்ட்ஸ் – அல்லு அரவிந்த்
ஆந்திராவில் இருக்கும் ஸ்ரீகாகுளம் மீனவ சமூகத்தை சேர்ந்தவர் அதே சமூகத்தை சேர்ந்தவர் ஒரு பெண்ணை காதலித்து வருகிறார்கள். தனது தந்தையை போன்றே நாயகனுக்கும் தலைமை குணம் இயற்கையாகவே இருக்கிறது. அதனால் சக மீனவர்கள் அவரை தலைவராக பார்க்கிறார்கள். இந்நிலையில் கிராமத்து மீனவர்களுடன் சேர்ந்து 9 மாத காலம் மீன் பிடிக்க கிளம்புகிறார் நாயகன். நாயகி வேண்டாம் என தடுத்தும் கேட்கவில்லை. மீன் பிடிக்க சென்றபோது தெரியாமல் பாகிஸ்தான் எல்லைக்குள் சென்றுவிடுகிறார்கள். இதையடுத்து பாகிஸ்தான் அதிகாரிகளால் கைது செய்யப்பட்டு சிறையில் அடைக்கப்படுகிறார்கள். நாயகன் மற்றும் சக மீனவர்கள் நாடு திரும்புவார்களா என்பதே கதை.
ராஜு கதாபாத்திரமாகவே வாழ்ந்திருக்கிறார் நாக சைதன்யா. தன் கெரியரின் சிறப்பான நடிப்பை வெளிப்படுத்தியிருக்கிறார். காதல், எமோஷன், ஆக்ஷன் காட்சிகளில் அசத்தியிருக்கிறார். சாய் பல்லவி வழக்கம் போன்று சிறப்பான நடிப்பை வெளிப்படுத்தியுள்ளார். நாக சைதன்யா, சாய் பல்லவி இடையேயான கெமிஸ்ட்ரி நன்றாக இருக்கிறது.
முதல் பாதியில் மீனவ சமூகம், அவர்களின் அன்றாட கஷ்டங்கள், பழக்க வழக்கங்களை காட்டியிருக்கிறார் இயக்குநர் சந்து மொன்டட்டி. ராஜு, சத்யாவின் காதலை அழகாக காட்டியிருக்கிறார். இரண்டாம் பாதியில் பாகிஸ்தானில் நடக்கும் பிரச்சனை, ராஜு உள்ளிட்டவர்களுக்கு என்ன ஆகுமோ என டென்ஷனாக வைத்திருக்கிறார் இயக்குநர். திரைக்கதையில் மைனஸ் இல்லாமல் இல்லை. இருந்தாலும் கதையை சுவாரஸ்யமாக சொல்லியிருக்கிறார் இயக்குநர்.
தேவி ஸ்ரீ பிரசாத்தின் பின்னணி இசை படத்திற்கு பெரிய பலம். பாடல்கள் எதுவும் திணிக்கப்பட்டது போன்று தோன்றவில்லை. ஒளிப்பதிவாளர் ஷாம்தத்தை பாராட்டியே ஆக வேண்டும். கடல் காட்சிகளை மிகவும் அழகாக காட்சி படுத்திருந்தார்.
அன்றாட பிழைப்பிற்காக கடலில் மீன் பிடிக்க செல்லும் எளிய மக்களின் வாழ்க்கையை இயக்குனர் அழகாக நம்மிடம் கடத்தியுள்ளார், குடும்பம் மனைவி காதலி என பலரை விட்டு கடலுக்கு மீன் பிடிக்க செல்லும் மீனவர்கள் எல்லை பகுதி தெரியாமல் மற்ற நாட்டினரிடம் மாட்டிக் கொண்டு எப்படி தவிக்கிறார்கள் என்பதையும் நம் மனதில் பதியும் வண்ணம் எடுத்துள்ளார் இயக்குனர்.
மொத்தத்தில் இந்த “தண்டேல்” மீனவர்களின் வாழ்க்கை .
Rating 3/5