’ஃப்ரைடே’ (Friday) திரைப்பட விமர்சனம்
நடிப்பில்: அனீஷ் மாசிலாமணி, மைம் கோபி, கேபிவை தீனா, ராமச்சந்திரா துரைராஜ், கலையரசன், சித்ரா செனன், சிது குமரேசன்
இயக்குனர்: ஹரி வெங்கடேஷன்
இசை: டுமே
தயாரிப்பு: டாக்டாம் மோஷன் பிக்சர்ஸ் – அனீஷ் மசிலாமணி
நாயகன் அனிஷ் மாசிலாமணி மற்றும் கே.பி.ஒய் தீனா ஒருவரை கொலை செய்ய திட்டமிட்டு சேர்ந்தனர். ஆனால் எதிர்பாராத முறையில், தீனா தாக்குதலுக்கு ஆளாகிறார். இதை பயன்படுத்தி அனிஷ் மாசிலாமணி அவரை காப்பாற்ற தனியாக தஞ்சம் அடைகிறார். இந்த சம்பவத்தின் பின்னர், தப்பித்தவர் தனது கூட்டாளர்களுடன் சேர்ந்து தன்னை கொலை செய்ய முயன்றவர்களைத் தேட ஆரம்பிக்கிறார்.
ஆச்சரியமான திருப்பம் என்னவெனில், தீனா அனிஷ் மாசிலாமணியுடன் இருப்பினும், கொலை திட்டமிடும் குழுவிற்கு உதவி செய்துவருகிறார். இதன் மூலம் கதையில் நம்பிக்கையையும் துரோகத்தையும் ஒரே நேரத்தில் உணர்த்தும் சிக்கல் உருவாகிறது.
“கத்தியை எடுத்தவனுக்கு கத்தியால் தான் சாவு” என்ற கருவுக் கூறு, திரைக்கதையையும் காட்சியமைப்பையும் விறுவிறுப்பாக நகர்த்துகிறது. ஒவ்வொரு காட்சியிலும் எதிர்பாராத சம்பவங்கள் நிகழ்கின்றன; நாயகர்கள் மற்றும் எதிரிகளின் மனநிலைகளின் மாறுபாடுகள், பார்வையாளர்களை சீட்டில் உட்கார வைத்துக் கதையை தீவிரமாக அனுபவிக்க வைக்கும் விதமாக அமைக்கப்பட்டுள்ளது.
இறுதியில், ஒருவர் நினைத்ததை அடுத்தவர் எதிர்பார்க்காத திருப்பம் மாற்றி விடுவது, கதையின் முழு விறுவிறுப்பையும், அதிர்ச்சியையும் கொடுத்து, ஒரு சிக்கலான மற்றும் கவர்ச்சிகரமான திரில்லர் அனுபவமாக படம் முன்வைக்கிறது.
நாயகனாக நடித்திருக்கும் அனிஷ் மாசிலாமணி, எளிமையான தோற்றம் மற்றும் அளவான நடிப்பின் மூலம் மணி என்ற ரவுடி கதாபாத்திரத்தை நுணுக்கமாக கையாண்டுள்ளார். ரவுடியாக்கப்பட்ட சூழ்நிலையில் வருந்துவது, தம்பியை அவ்வாறான இடங்களுக்கு வர விடக்கூடாது என்ற அவரது கவனம் போன்ற நுணுக்கமான உணர்வுகளை ஒவ்வொரு காட்சியிலும் வெளிப்படுத்தி, பார்வையாளர்களின் கவனத்தை உறுதியாக ஈர்த்துள்ளார்.
கே.பி.ஒய் தீனா, ஆரம்பத்தில் எளிமையான கதாபாத்திரமாக இருந்தாலும், திடீரென்று முழுமையான விஸ்வரூபம் எடுத்து திரைக்கதைக்கு மிகப்பெரிய திருப்பத்தை வழங்குகிறார். இதனால் கதையின் அதிர்ச்சி மற்றும் சுவாரஸ்யம் பலப்படுத்தப்படுகிறது.
மைம் கோபி, தனது அனுபவமிக்க நடிப்பின் மூலம் கதைக்கு அடையாளத்தோடு, கதாபாத்திரத்திற்கு கூடுதல் பலமும் சேர்த்துள்ளார். ராமச்சந்திர துரைராஜ், கலையரசன், சித்ரா செனன், சித்து குமரேசன் ஆகியோர் சிறிய கதாபாத்திரங்களில் இருந்தாலும், ஒவ்வொரு காட்சியிலும் கதையின் முன்னேற்றத்திற்கு முக்கிய பங்கு வகித்துள்ளனர்.
ஒளிப்பதிவாளர் ஜானி நாஷ், எளிமையான லொக்கேஷன்களை பல்வேறு கோணங்களில் காட்சிப்படுத்தி, காட்சிகளின் தீவிரத்தையும் கதையின் பயங்கரத்தையும் பார்வையாளரின் கண்முன் நிறுத்தியுள்ளார். இசையமைப்பாளர் டுமே, பாடல்கள் இல்லாத போதிலும், பின்னணி இசை மூலம் சில இடங்களில் திரைக்கதைக்கு கூடுதல் விறுவிறுப்பையும், உணர்ச்சியையும் வழங்கியுள்ளார்.
வெட்டு, குத்து போன்ற ரவுடிகளின் வாழ்க்கையை வன்முறை நிரம்பியதாக காட்டாமல், அவர்களின் குடும்பம், எதிர்பார்ப்பு, காதல், இழப்பு, பழிதீர்க்கும் எண்ணம் போன்ற உணர்வுகளை சிறப்பாக வெளிப்படுத்தி, திரைக்கதியின் சுவாரஸ்யத்தை பெருக்கியுள்ளார் இயக்குநர் ஹரி வெங்கடேஷ். படத்தொகுப்பாளர் பிரவீன்.எம், வெற்றிகரமான காட்சித் தொகுப்புகளால், பார்வையாளர்களை சீட் நுணியில் உட்கார வைத்து கதையின் தீவிரத்தை முழுமையாக அனுபவிக்க வைக்கிறார்.
மொத்தத்தில், ’ஃப்ரைடே’ ஒரு சுவாரஸ்யமான, நேர்மறை அனுபவத்தையும், அதிர்ச்சியையும், உணர்ச்சியையும் ஒருங்கிணைத்த திரைப்படம்.
ரேட்டிங்: ⭐️ 3.3/5