ரேகை’ இணையத் தொடர் விமர்சனம்

’ரேகை’ இணையத் தொடர் விமர்சனம்

: (Casting): பாலா ஹசன், பவித்ரா ஜானனி, சந்தியா, வினோதினி வைத்யநாதன், அஞ்சலி ராவ், ஈ.இந்திரஜித், எம். ஸ்ரீரம், பூபலம் பிரகதேஷ்

இயக்குனர் (Directed By): எம். தினகரன்

இசை (Music By): ஆர்.எஸ். ராஜ் பிரதாப்

புரொட்யூசர் (Produced By): எஸ். சிங்கரவெலன்

ஒட்டிப் பிறந்த இரட்டை குழந்தைகளாக இருந்தாலும், அவர்களது கைவிரல் ரேகை வெவ்வேறாக இருக்கும். ஆனால் ஒரே கைவிரல் ரேகை நான்கு பேருக்கும் பொருந்தும் என்று தகவல் போலீஸ் சப்-இன்ஸ்பெக்டர் பாலா ஹாசன்-வின் கவனத்தை ஈர்க்கிறது.

சம்பந்தப்பட்ட நான்கு பேரும் அசாதாரண விபத்தில் உயிரிழந்ததாக மருத்துவ அறிக்கை தெரிவிக்கிறதோடு, பாலா ஹாசன் ஒரு மர்மத்தை உணர்கிறார். விசாரணை தீவிரமாக நடந்ததோடு, உண்மையில் அந்த நான்கு பேரும் கொலை செய்யப்பட்டவர்கள் என்பதும், எந்தவித தடயங்களும் இல்லாமல், பிரேத பரிசோதனையிலும் சந்தேகம் ஏற்படாத விதமாக கொலை செய்யப்பட்டுள்ளனர் என்பதும் தெரிகிறது.

இந்த நான்கு பேரை யார் கொன்றது?

ஏன் கொலை செய்தார்கள்?

அவர்களின் கைவிரல் ரேகை ஒரே மாதிரியாக இருப்பது எப்படி சாத்தியம்?

அந்த விடைகள், மர்மங்கள், திருப்பங்கள் மற்றும் விசாரணை சாகசங்களுடன் இணைந்தே, ‘ரேகை’ இணையத் தொடரின் முக்கிய கதை.

’விடுதலை’ திரைப்படத்தில் கடைநிலை காவலராக நடித்த பாலா ஹாசன், தனது கதாபாத்திரத்தில் முழுமையாக உற்சாகம் கொடுத்து கவனம் ஈர்த்திருக்கிறார். கதையின் நாயகனாக சப் இன்ஸ்பெக்டர் வேடத்தில் நடித்த இவர், அளவான நடிப்பு, கூர்மையான பார்வை, கம்பீரமான உடல் மொழி மற்றும் தெளிவான செயல்திறன் ஆகிய அனைத்தையும் மெருகேற்றி, புலனாய்வு அதிகாரி கதாபாத்திரத்திற்கு முழுமையான நியாயத்தை சேர்த்துள்ளார்.

போலீஸ் கான்ஸ்டபிள் கதாபாத்திரத்தில் நடித்த பவித்ரா ஜனனியும் தனது வேலையை மிக திறமையாக, ஈர்க்கத்தக்க முறையில் செய்துள்ளார். அவர்களது ஒத்துழைப்பு கதையின் உள்ளடக்கத்திற்கு உறுதியான பலத்தை வழங்கி, திரைபரப்பில் இருவரின் நடிப்பு ஒற்றுமை படத்தை மேலும் சிறப்பாக்கியுள்ளது.

வினோதினி முக்கிய கதாபாத்திரத்தில் நடித்துப் பார்வையாளர்களின் கவனத்தை ஈர்த்துள்ளார். பரிச்சயம் இல்லாத பல முகங்கள் இருந்த போதிலும், ஒவ்வொருவரும் காட்சிகளுக்கு உயிரூட்டும் திறமையுடன், கதையின் பயணத்தை சிறப்பாக நகர்த்தியுள்ளனர்.

இசையமைப்பாளர் ஆர்.எஸ். ராஜ் பிரதாப் தனது பின்னணி இசையால் புலனாய்வு மற்றும் அதிர்ச்சிகரமான காட்சிகளுக்கு கூடுதல் வலிமை சேர்த்துள்ளார். ஒளிப்பதிவாளர் மகேந்திரா எம். ஹெண்ட்ரி, காட்சிகளை பல கோணங்களில் அழகாக காட்சிப்படுத்தி, பார்வையாளர்களை தொடரின் மாயாஜாலத்தில் ஈடுபடுத்தியுள்ளார்.

படத்தொகுப்பாளர் துரை பிரகாஷ் ஒவ்வொரு எப்பிசோட்டிலும் மர்ம முடிச்சுகளை நுட்பமாக வைத்து, அடுத்த எப்பிசோட்டை எதிர்பார்ப்புடன் பார்க்க வைக்கும் விதமாக காட்சிகளை தொகுத்துள்ளார்.

பிரபல எழுத்தாளர் ராஜேஷ்குமாரின் நாவலை அடிப்படையாக கொண்டு இயக்குநர் எம். தினகரன் எழுதி இயக்கிய இத்தொலைக்காட்சி, எதிர்பாராத திருப்பங்கள் மற்றும் அதிர்ச்சிகரமான சம்பவங்களின் மூலம் புதிய புலனாய்வு திரில்லர் அனுபவத்தை வழங்குகிறது.

ஆறு எப்பிசோட்களையும் ஒன்றாக பார்த்தும் நேரம் போனது தெரியாமல், ஒவ்வொரு எப்பிசோட்டிலும் ஒரு சம்பவம், அதனால் உருவாகும் மர்ம முடிச்சுகள் மற்றும் நாயகனின் விசாரணை மூலம் தொடரை பரபரப்பாக நகர்த்தியுள்ளார். கொலை சம்பவங்களை அறிவியல் மற்றும் புலனாய்வு முறைகளுடன் இணைத்து காட்சிகளை வடிவமைத்த விதம் கூடுதல் சிறப்பாக அமைகிறது.

கிரைம் திரில்லர் என்றும், அதிகப்படியான இரத்தம் அல்லது வன்முறை இல்லாமல், அனைத்து தரப்பினரும் ஒன்றாக ரசிக்கக்கூடிய ஒரு தொடராக உருவாக்கி, வெவ்வேறு சம்பவங்களை இணைத்து பார்வையாளர்களை முழுமையாக கவர்வதில் இயக்குநர் எம். தினகரன் பெரும் வெற்றியடைந்துள்ளார்.

மொத்தத்தில், ‘ரேகை’ ஆச்சரியமும் நிறைந்த உண்மை.

ரேட்டிங் 3.8/5